جريدة انفابريس اطلع على تطورات الأحداث لحظة بلحظة
مقالات مشابهة
أنفا بريس :
المكونات:
3 بيضات . كأس السكر . كأس حليب . كأس معامرش الزيت . (العبار بكأس العنبة ) . سكر فاني . قبصة ملح .
2 خمارات كيماوية . 3 ملاعق كبار حبيبات الشكلاط . ملعقة صغيرة خل . دقيق حسب الخليط . تقريبا هزات ليا 2 كيسان او نصف ديال الدقيق أو نتوما على حسب الخليط لي عندكم
مكونات الكريمة
نصف لتر حليب . فلان فانيلا حجم كبير . إلا درتو الصغير ديرو 3 ملاعق السكر . 2 ملاعق كبار بودرة كريم باتسيير أو النشا . 5 قطع الشكلاط أبيض
التزين كيبقا اختياري ليكم
انا دوبت الشكلاط ابيض ثم ضفت عليه دانيت كراميل او خلطتو مزيان ثم زينت بيه الكيكة من الجناب ثم اللوز كوم كاسي ثم في الوسط درت خطوط بكريم كراميل
طريقة الكيكة
فإيناء ضفت البيض مع السكر . ثم سكر فاني قبصة ملح او كنخلط بالطراب الكهربائي أو اليداوي ثم ضفت الزيت او أنا كنخلط ثم الحليب او فالأخير كنضيف الدقيق مع الخمارات يكونو مغربلين او نطرب ثم نضيف شكلاط حبيبات او نخلط ثم ملعقة صغيرة ديال الخل نخلط المزيان المكونات او نوضع الخليط ديالي فمول مدهون بالزبدة او مرشوش بالدقيق إلى الفرن يكون مسخن من قبل ثم نقص النار او نخليها طيب على خاطرها
طريقة الكريمة
في كاسرونة نضيف الحليب فلان بودرة كريم باتسيير السكر غادي نخلط بالطراب اليدوي ثم إلى النار مع التحريك المستمر حتى تبدأ تعقاد كنحيدها من فوق النار نوضع الشكلاط ابيض او نخلط مزيان بالخلاط اليدوي
من بعد طابت الكيكة او كنزينها من الجناب كنضيف ليها الكريمة او تدخلها الثلاجة
ملاحضة (كنطيبو الكيكة هي الأولى نخليها تبرد او نزينها من الجناب عاد نوضع عليها الكريمة او ندخلها الثلاجة من بعد عاد كنزين من فوق الكريمة وتقدم بالصحة والراحة
